१ लाख ५० हजार रुपैयाँ घुस लिदाँलिदै प्रहरी नायव निरीक्षक पक्राउ

माघ २६, बर्दियामा प्रहरी नायव निरीक्षक नर बहादुर बिकलाई एक लाख ५० हजार रुपैयाँ घुस लिदाँलिदै अख्तियार दुरुपयोग अनुसन्धान आयोगको टोलिले पक्राउ गरेको छ । अख्तियारको क्षेत्रीय कार्यालय टोलीले जिल्ला प्रहरी कार्यालय बर्दियाको मुद्दा फाँटमा कार्यरत प्रहरी नायव निरिक्षक नर बहादुर बिकलाई १ लाख ५० हजार रुपैयाँ घुस लिदाँलिदै पक्राउ गरेको हो । ठगी मुद्धाको आरोपमा हिरासतमा रहेका व्यक्तीलाई छुटाइदिने भन्दै हिरासतमा रहेकाको आफन्तसँग बिकले १ लाख ५० हजार रुपैयाँ घुस मागेपछी अख्तियारको टोलीले निगरानी बढाएको थियो । अख्तियार दुरुपयोग अनुसन्धान आयोगका एसपी दिपक थापाले हिरासतमा रहेकाको मुद्धा छिटो गरीदिने र छुटाइदिने भन्दै १ लाख ५० हजार रुपैयाँ घुस लिँदा लिँदै जिल्ला प्रहरी कार्यालयको अपराध अनुसन्धान शाखा मुद्दा फाँटबाट सई बिकलाई पक्राउ गरेको बताएका छन् ।