बिहीबार करिब २ बजे तिर जापानको राजधानी टोकियोस्थित केक्यु लाईनको ओईमाची रेल्वे स्टेशन नजिक गुडिरहेको रेलको लिकमा नेपाली युवा ओमकार कँडेलले हामफालेर आत्महत्या गरेका हुन् ।
करिब २ बर्ष अगाडी पारिवारीक भिषामा जापान आएका उनी काँडेवास ९ गल्कोट घर भएका टोपलाल कँडेलका २१ वर्षीय छोरा रहेको गलकोट समाज जापानका उपाध्यक्ष दिलु खत्रीले बताएका छन् । ओमकारले सुसाईड नोट लेखेर हिडेको केहि बेरमा रेलको लिगमा हाम फालेका हुन्।
बाबु, आमा र भाईसँग कामता भन्ने स्थानमा बस्दै आएका कँडेलले सुसाइड नोटमा आफनै कारणले जिंदगीबाट बिदा लिने निर्णयमा पुगेको बताएका छन् ।
उनले पछिल्लो केही समय यता पुराना साथिभाईहरूसँग भेटघाट गर्ने तथा घुमघाम कार्यलाई प्राथमिकता दिएका थिए । प्रहरीले उनले किन आत्महत्या गरे भन्ने बारेमा अनुसन्धान थालेको जनाएको छ ।
0 comments Blogger 0 Facebook
Post a Comment